ماتیں سرڑگار بے وارث نہ انت - نبشتہ کار - نوتراپ بلوچ

Nov 23, 2018, 10:32 pm

بلوچ سرڑگار بے وارث نہ انت اے ماتیں سرڑگارءَ پہ وتءَ ہزارانی کساسءَ بچ پیداک کتگ کہ آ پہ وتی ماتیں سرڑگارے رکینگءَ ہر پیمیں کربانیءِ دیگا چکءُ پد نہ باں لہتیں روچ پیسر من نشتگ اتاں حالءِ اتک کہ ریحان جان شہید بوتءَ من سک دردیگ بوتاں ءُ سنگتانءَ جست کت ریھان چون شہید بوتگ؟ سنگتاں گشت کہ زورگیریں چینی انجینرانی سرا پداہیں اُرش ءِ کتگ ءِ من سک باز وش بوتاں پرچہ کہ پاکستان گوں چینءَ ہوار بلوچءُ بلوچستانءِ سرا زورانسری کنگءُ گران نِھادیں مالءُ مڈیاں برگا انت بلوچءَ تباہیءَ گوں دُچار کنگءَ اِنت .بلے آ روچءَ پد من ہمے جیڑ ات کہ نوں بس ہمیش انت دگہ چوشیں کار کس کرت نہ کنت بلے مرچی من چہ وابءَ پاد اتکاں روچءِ سرا نشتاں کہ کتابءَ چمشانکءِ دئین گنداں سنگتءِ اتک گشیت سنگت تو سرپدے کہ مرچی دگہ 3 سنگتاں پداۂیں اُرشءِ کرتگ چینی کونسلخانہءِ سرا لہتیں چینی افیسر گوں لہتین پولوسءَ مرتگ. من ہما سنگت جست کت کہ سنگت کئے زی انت تو سنگتاں زانے ؟ گڑاں سنگت ءَ وتی گوانکو کش ات منا سنگتانی عکس نشان داتاں.من وھدے عکس دیستان گِنداں یکے عزل بلوچ انت رازق بلوچ انت رہیس بلوچ اِنت من چارت سک وش بوتاں پرچہ کہ من رہیس جان پیسرا دیستگ ات آ سنگت من نزانت انت من ندیستگ اتاں رئیس جان من 2012 ءَ پنجگورءَ دیستگ اَت.چِدءُ پد بلاہیں مدتےگوستگ ات من ندیستگ ات منی حال احوال ہم نبوتگ ات چار ماہ پیسرءِ گپءِ کہ من شُتاں سنگتےءِ گندگءَ من نشتاں سنگتان گون دیوان بوت کمو رندا ڈنءَ دراتکاں چاران کسان بالادیں سنگتے گسءِ ڈنءَاوشتاتگ ات گڑاں من اتکوں سنگت ءِ نزیکءَ سلام دات منا وش اتک کتے او وش اتکءَ پد منا جست کُتے سنگت تی نام کئے اِنت؟ من وتی نام گشت گڑاں منا جست کرتے گشیت تو منا زانے ؟ من گشت نا من ترا زانگءَ نہ ھون پرچہ کہ آ وھدءَ من دیستگ اَت سک کسان اَت گڑاں منا گشیت تو کامریڈ نہ اے؟من گشت اہو من کامریڈ اں تو کئے اے؟منا گشیت من وسیم ءَ منی پیسری نام چاکر بوتگ.ترا ہوش کنت من تو پنجگورا 2 ماہ یکجاہ بوتگاں من گشت اہو نوں منا ہوش انت گڈاں ما نشتیں شریں رنگےءَ دیوان کرت حال احوال بوت دانکہ دیراں کوہنین گپءُ کسہ بوتاں. ساعتے ءَ پد من رکست کت شُتاں من گوانکو لمبر زرت حال احوال کرت او پدا ہمئے حال احوال جاڑی ات گڑاں یک روچے من وسیم جان دیست جاہءِ نشتگ ات من اتکاں نشتیں دیوان کرت گڑاں من گشت بازیں مدتےءَ پد منءُ تو دوچار کپتگاں آ وھدا من ترا دیستءَ تو سک کسان بوتگءِ. گشتے اہو من کسان بوتگوں من چارت کہ آ وھدا من دیستءَ نوں سک باز بدل بوتگ .گوں سنگتاں مہرءُ دوستی گپءُ بچکندگ نندو نیاد درست گیش بوتگ اِتاں. بلے من نزانت وسیم پل تو اے وڑین راستیں راہءِ پہ وت در چِتگ چو زوت مارا یلا کنے روئے ..ہر شے پہ نسیب رسیت. منا زانے وسیم جان تی شوکیں دیدار نسیبءَ ات کہ منءُ تو بلاہیں مدتےءَ پد دوچار کپتاں مرچی تو پدا مارا یلا کت شتءِ گوں وتی پُہلیں سنگتاں مکہیں ماتءِ رکینگءِ ہاترا وتارا کربان کت.مرچی پاکستانءُ آہی تپاکیں ملک چین بیت یا امارات درست زان انت کہ بلوچ پہ سرزمین ماتءِ رکینگءِ واستءَ مِرَگ زان انت بلے پہ توپکءِ زورا وتی سرا جہل نہ کننت تی زوریں گلامیءَ نہ منیت وتی سرزمینءِ مالءُ مڑیانی پُلگءَ شمارا نیلیت.اے گپءَ مرچی دنیاءِ کجام تاکت ورین ملکے بہ بیت اے گپاں شر سرپد انت کہ بلوچءَ سداں سال ساری پہ وتی ازت ننگُ ناموس پہ میار جلیءَ وتی سر کربان کرتگاں مرچی دگہ سے کسان سالیں ورناہاں وتی سرزمینءِ رکینگءِ ہاترا وتی زندءِ ہر وشی یلا داتگ انتءُ پہ ماتیں سر ڑگارءَ ندر بوتگاں. عزل خان مری عرف ڈاڈا رازق جان عرف بلال رہیس جان عرف وسیم سلام انت شُمئے ہمتءَ

تازہ ترین خبریں