ترکی میں بغاوت کی کوشش میں ’امریکا ملوث نہیں تھا‘، امریکی اعلیٰ فوجی افسر

Jul 30, 2016, 2:32 pm

واشنگٹن( سنگر نیوز )امریکی فوج کے ایک اعلیٰ افسر کا کہنا ہے کہ ترکی میں بغاوت کی ناکام کوشش میں امریکا کا کوئی ہاتھ نہیں تھا۔ ترکی میں ناکام بغاوت کے بعد سے دونوں اتحادی ممالک کے تعلقات میں سرد مہری دیکھی جا رہی ہے۔ جمعے کے روز مشرق وسطیٰ میں امریکی فوج کے کمانڈر جنرل جوزف ووٹیل نے ایک بیان میں کہا تھا کہ ترک فوج میں بڑے پیمانے پر تبدیلیوں سیدونوں ممالک کے تعلقات متاثر ہو سکتے ہیں۔ اس بیان کے بعد ترک صدر ایردوآن نے اس امریکی جنرل پر باغیوں کی حمایت کا الزام لگایا تھا۔ وائٹ ہاؤس کے ایک ترجمان نے بھی کہا کہ ایردوآن کے الزامات میں کوئی حقیقت نہیں ہے اور صدر اوباما اپنے ترک ہم منصب کو اہم اور قریبی اتحادی سمجھتے ہیں۔

تازہ ترین خبریں