یونائیٹڈ بلوچ آرمی نے مختلف واقعات کی ذمہ داری قبول کرلی

Aug 14, 2016, 8:46 pm

کوئٹہ(سنگر نیوز)یونائیٹڈ بلوچ آرمی کے ترجمان مزار بلوچ نے سیکورٹی فورسز پر حملوں کی ذمہ داری قبول کرلی۔ یہ بات انہوں نے اتوار کو نامعلوم مقام سے سیٹلائٹ فون پربتاتے ہوئے کہی ترجمان نے کہا کہ یونائیٹڈ بلوچ آرمی کے سرمچاروں نے سبی کے علاقے ارند اور ہرلال میں فورسز پر حملے کئے جس کے نتیجے میں 4اہلکارہلاک جبکہ متعددزخمی ہوگئے جس کی ذمہ داری قبول کرتے ہیں۔ ترجمان نے کہا کہ قلات کے علاقے نیمرغ سے سرمچاروں نے دو مشکوک افرادکو حراست میں لیا ہے جن سے تفتیش جاری ہے۔ ترجمان نے کہا کہ سیکورٹی فورسز نے کوئٹہ اور کوہلو کے علاقے میں بے گناہ افراد کو فائرنگ کرکے ہلاک اور گرفتار کیا جس کی یونائیٹڈ بلوچ آرمی مذمت کرتی ہے۔ ترجمان نے کہا کہ ہماری اس طرح کی کارروائیاں بلوچستان کی آزادی تک جاری رہیں گی۔

تازہ ترین خبریں