پروم، سی پیک لنک روڈ فوجی چوکی پر حملے کی ذمہ داری قبول کرتے ہیں،بی ایل ایف

Oct 21, 2016, 10:25 pm

کوئٹہ (سنگر نیوز)بلوچستان لبریشن فرنٹ کے ترجمان گہرام بلوچ نے سی پیک سے منسلک لنک روڈ سیکورٹی فورسز کی چوکی پر حملے کی ذمہ داری قبول کرتے ہوئے کہا کہ جمعہ کے روز پنجگور پروم میں پاکستانی فوج کی کلاکور چوکی پر راکٹ حملہ کرکے قابض فو ج کو بھاری جانی و مالی نقصان پہنچایا۔ گہرام بلوچ نے نامعلوم مقام سے سیٹلائٹ فون کے ذریعے مزیدکہا کہ پنجگور کے تحصیل پروم میں چین پاکستان راہداری منصوبے کے تحت ایک لنک روڈ کی تعمیر شروع کی جاچکی ہے جو پروم نگور، دزاور شمسر کے علاقوں سے گزرتی ہے۔ سڑک کی تعمیر و مشینری کی حفاظت کیلئے مقامی لوگوں کو بھرتی کیا جارہا ہے۔ مقامی لوگوں سے اپیل کرتے ہیں کہ وہ اس منصوبے میں حصہ دار نہ بنیں اور سیکورٹی کے فرائض کی انجام دہی سے اجتناب کریں ۔ ایسے منصوبوں پر حملے جاری رہیں گے۔ ایسے منصوبوں میں کام کرنے والے اپنے نقصان کا ذمہ دار خود ہوں گے۔ پروم، جس کی اکثریتی آبادی کو پاکستانی فوج پہلے ہی ظلم و جبر کانشانہ بنا کر نقل مکانی پر مجبور کر چکی ہے ، جو آج در بدر کی زندگی گزاررہے ہیں ، تو ایسے میں کوئی سڑک یا دوسری قبضہ گیر ترقی مقامی بلوچ کیلئے نہیں بلکہ فوجی نقل و حرکت کو تیز و آسان بنانے کیلئے کی جارہی ہے، لہٰذا مقامی لوگ اِن سازشوں کا حصہ نہ بنیں۔

تازہ ترین خبریں